Aula de Gaita. ETRAD. Escola Municipal de Vigo de Música Folk e Tradicional: 2020-21. AULA DE GAITA: 1º Básico

OS BATEMENTOS

A continuación imos estudar outro recurso dos que ten a gaita que se chama BATEMENTO ou tamén denominado por algúns profesores como picado-ligado.

É unha forma de picar as notas pero sen mover ningún dedo superior á nota que estamos a executar, senón un ou varios dedos inferiores a esta, segundo o batemento que nos corresponda realizar.

Como o seu nome indica, batemento vén de bater, neste caso hai que bater os dedos ou dedo correspondente contra o punteiro, ou fauta no seu defecto, un golpe seco e preciso sen chegar a tapar os buratos na súa totalidade, de xeito que o son quede interrumpido pero cun efecto moi livián.

Dende a posición na que temos os dedos cos que imos realizar o batemento, debemos coller impulso cpara bater os dedos necesarios. Isto podémolo facer botando estes dedos cara arriba e lanzándoos con moita forza cara ao punteiro ou frauta, deixando que volten á súa posición sen facer forza con eles.

Tamén debemos ter coidado de non tapar de máis os buratos cos que facemos o batemento, xa que se nos excedemos chegariamos a dar unha nota máis. lixando a melodía.

A representación gráfica dos batementos será colocando unha pequena liña enriba ou debaixo da nota á que lle afecta ( _ ), tendo a duración e a execución igual que a do picado.

A continuación temos un exemplo de cómo aparecerían representados os batementos nas partituras.

Pasa saber qué dedos corresponde baixar a cada batemento segundo a nota que esteamos executando, memorizaremos a seguinte táboa, coa finalidade, igual que acontece cos picados, de non representar os mesmos con notas, xa que crearía unha infinidade de elementos na partitura, que dificultaría a visualización clara da melodía.

Logo de aprendermos esta táboa dos batementos, realizaremos os seguintes exercicios, primeiro temos só batementos e despois, este mesturarémolos cos picados.

Preme aquí para ver a explicación: Batementos - 1º Básico

Acceso á folla explicativa, exercicios e vídeos.

Preme no enunciado dos exercicios para poder visualizalos.

EXERCICIO 1